محتويات
الأمثال المصريّة
المصريين فزيعين أوي، دول ما خلوش حاجة إلا وقالوا فيها أمثال، لو جينا للأكل وحده مثلاً ما سابوش حاجة فيه إلا وتكلموا عنها، حتى أواني الطبخ اتكلموا عنها، وحتى دخّلوا سيرة الأكل بحاجات ما الهاش دخل فيه.. ولو جينا نعدّ أمثالهم مش حنلحق نعدّها كلّها.. علشان كدة حنعرض ليكم كم مثل كدة أتمنى يعجبوكم، ويلاقوا استحسانكم...
أمثال عن العيش
أمثال مرتبطة بالعيش.. العيش اللي هو الخبز بالفصحى:
- الجعان يحلم بسوق العيش
- إدّي العيش لخبّازه ولو أكل نصُّه.. وفي رواية تانية لو أكل تلات أرباعه
- شحّات وعاوز رغيف.. فينو؟
- لُقمة هنيّة تكفي ميّة
- أكل العيش مرّ
- اللي معاه عيش يتعفرت على الجبنة
- اعزم واكرم.. وأكل العيش نصيب
أمثال عن أصناف الأكل
- كلّ فولة وليها كيّال
- أبوك البصل وأمك الثوم.. تجيب منين لك الحلوة يا مشؤوم
- يا داخل بين البصلة وقشرتها
- ضرب الحبيب زيّ أكل الزّبيب
- أكَل الفلّاح تفاح.. قال الفجل أحسن
- اللي اتلسع من الشوربة ينفخ في الزبادي
- اللي كواها البين تطبخ محشي
- اللي يسرق البيضة يسرق الفرخة
- اللي يشوف الفول ولا ياكلش.. يحبّ ولا يطولش
- إن كان حبيبك عسل متلحسوش كلّه
- ادّلّعي يا خبيزة
- وقيّة لحمة ولا فدّان في الكروش
أمثال في الأكل
- كُل وبَحلق عينيك.. أكلة واتحسبت عليك
- أكلني وهانّي وعرَّفني طريق أمي
- بصلة المحبّ خروف
- اللي ياكل على ضرسه ينفع نفسه
- وجع بطني ولا كب أكلي
- اللقمة تعرف صاحبها
- اوركني واصدر نفسك.. وأعطي الغشيم الأجنحة
- طبّاخ السمّ بيدوقه
- صبري على نفسي ولا صبر الجزّار عليّه
- جحا أولى بلحم طوره
- أكل بلاش نوم بلاش ولسان ميتوصّاش
- أكل ومرعى وقلّة صنعة
- يا آكل قوتي يا ناوي على موتي
- اطعم الفم تستحي العين
- اللي كواها البين تطبخ محشي
- اللي ياكل قد الزبيبة ما فيهاش عيا ولا مصيبة
- اللي يشوف الفول ولا ياكلش يحبّ ولا يطولش
- إن كان حبيبك عسل ما تلحسوش كله
أمثال عن أدوات الطّهي
- اكفي القِدرة على فُمَّها.. تطلع البنت لأمّها
- اللي ما يشوفش من الغربال.. يبقى أعمى
- مش كلّ من رصّ الصواني بقى حلواني
