أجمل النكت الجزائرية

كتابة - آخر تحديث: ١٢:٢٤ ، ٨ أبريل ٢٠٢٠
أجمل النكت الجزائرية

من أجمل النكت الجزائرية

-وحدة ركبت في الطاكسي قالها الطاكسيور: وين رايحة؟ قالتله: راجلي وما قلتلوش تحب نقولك نتا!


-واحد تكسرلو لفابو فالليل ناض يسقموا هوا ومرته شدتله الضو بش تضوي تحت اللفابو ... معرفش قالتله: شد الضو هات أنا نسقمه،وسقمتها، قالها: شفتي لازم نعلمك تشدي الضو


-واحد السيد دايما تضربه مرته تفاهم معاها قالها: اليوم حاي صاحبي عندي ما تضربينيش حتى يروح، جا الضيف وما صبرتش مرته ضرباته قدام صاحبه وبدا يبكي، قاله صاحبه: انت راك مليح، انا مرتي تضربني وتقولي أسكت ما نسمعش الحس


-واحد يمشي هو وصاحبه لقى قفلة قاله صاحبه: اعطهالي ادا ما تستحقهاش، قالو: لا لا راني حاب ندبرلها سروال.


-خطرة فتح الفيس بوك شاف صاحبه اونلين بعتله: حبيت نسقسيك عندكم التريسيتي قاله صاحبه: لا لا راني مكونيكتي من الشمعة.


-واحد يغسيل في الطونبيل تاعه شافه جاره قاله: واش! راك تغسلها؟ قاله: لا لا راني نسقي فيها باش تولي كار.


-واحد راح يشري كبش العيد سقسى الي يبيع قاله: عندك كبش تاع تلت ملايين؟ قاله: تاكله هنا ولا تديه في ساشي.


-واحد راح يخطب هو والاهل تاعه كي شاف العروسة ما عجباتوش قال للاهل تاعها: ماعنديش الصداق وما عنديش حق الدهب وعندي عامين ما خدمتش وما عنديش دار والفقر حاكمني من كل جهة ، قالو باباها: يا وليدي نورمال حنا يهمنا الهنا والسترة وإن شاء الله من بعد العرس تتحسن حوالك، المهم نقراوا الفاتحة. قالو: ما رانيش حافظها.


-واحد راح يخطب لقى العروسة حاطة ليلونتي قالها: تقبلي وكان جيب بلحية ملصقة بالسكوتش؟


-في زمن الكورونا واحد حب يدير كيما الطليان، خرج للبالكون ودا معاه دربوكة وبدا يطبل و يغني. الحيران عيطوا للابوليس قالولهم كاين عرس عند جارنا هههه


-واحد كذاب ادعى بلي راح لمكة يحج سقساه واحد قالوا واش شفت في الحج قالوا ابو جهل راكب ماتركيل 49 عام 2012


-واحد حراق لاسبانيا بعد عام كلم باباه في الدشرة قال له بابا راني تزوجت وجاني الايدز عفانا الله منه قالوا باباه وعلاه ما سميتوش على جدك العلواني


- كان وحد متفاتن مع مرأة غير بلهدرا هو يهدر وهي تهدرومن ثم قالت له : لكان تزوجة شيطان لم اتزوج بك ثم رد لها قال : حرام الاخت تتزوج بأخيها...ههههههههههههه


-واحد مجنون بالرسوم المتحركة مات باباه كتبلوا في قبروا the and


-واحد مجنون ولدت مرتوا توام جن رجلها وقالها شكون اب الطفل الثاني


-واحد يسكن في القرية دا الباك وباه يروح للجامعة خاف يضحكو عليه قالتلو أمو روح برك النهار اللول يضحكو عليك والنهار الثاني يضحكو عليك والنهار الثالث توالف وتروحلك العقدة قالها: مالا حتى النهار الثالث ونروح

-المعلم:مامعنا كلمة سبيل. الطالب:طريق.. المعلم:ممتاز.. والأن ما معنا كلمة (سلسبيل) الطالب: طرطريق.


-كاين زوج ركبوا تاكسي واحد ساق والاخر جذور


-واحد مدرب رياضة مجنون عينوه في مدرسة المعوقين راح درب اول حصة قفز حواجز.


-واحد راح للطبيب النفسي قالو يا سيدي أصبحت أحس أنني كلب , قالو منذ متى تعاني هذا المرض قالو منذ كنت جروا

-قالك أيا واحد كل يوم يريح في القهوة ,و كل يوم تجوز عليه وحدة يشوف معاها وتشوف معاه , بقاو على هذي الحال عام , وحد النهار شافها مع واحد راح ليها قالها اللي بيناتنا أنسايه


- مرة واحد حلف يروح لفرنسا من الجزاير يعوم, عام تلات أيام وبقاتلو مسيرة يوم, تعب رجع


-واحد يسكن في القرية دا الباك وباه يروح للجامعة خاف يضحكو عليه قالتلو أمو روح برك النهار اللول يضحكو عليك والنهار الثاني يضحكو عليك والنهار الثالث توالف وتروحلك العقدة قالها : مالا حتى النهار الثالث


-زوج مهابل هربوا من مستشفى المجانين ركبوا سيارة الاول قال الثاني دور على اليمن قالوا الثاني دور انت راني نسوق


فيديو هدية الشاي بالنعناع

تخيّل أن تحب الشاي لدرجة أن تقدمه كهدية؟ هذا ما يفعله الجزائريّون بالضبط! تعرف على بعض أغرب المعلومات عن الجزائر وشعبها:

6,131 مشاهدة